"Thutak gen mukte omden a, zuau gen lei in bel tomchik lel daih hi." Paunakte 12:19
A patna ding in, hiai laigelh heutu hih ut man leh mi soisel utna ziak a gelh ahi kei(ka laigelhte ziak a heutu hih ut hon sa khawng ana om ziak a hong kigen fel masa kahi), diktatna tawisang ut leh thutak gum mi kahihman a hon gelh kahi zaw.
Diktatna tawisang leh thutak gum mi nahih leh ka thugelhte natheisiam ding.
Chennai a EBC phuhkhiak sawm om ahihlam kana theikha kei. EBC Bangalore (EBCB) Pastor pan hong vehna a athugen khenkhat te ah Bangalore a ZCF leh EBC om ahihdan khawng agen kha hi, himahleh kei mimawl in, hiai a thugen na te apat a hidden agenda EBC phuhkhiak sawm ahihlam kana theisuah kei hi. Kei ana theih in phat tuamna anei tuan kei nadia, himahleh EBC member khat kahihna ah EBC toh kisai bel kathei ut sam hi.
Hun hong pai zel in, nikhat ka mobile ah sms tungtawn in EBCB Pastor pa hong hoh dek chih kana mu hi, ka ngaihtuahna ah ZCF kikhopna a Pathian thu gen dia hong hoh hi inteh chi in kana kipak mahmah hi. Hiai sms tungtawn mah in ZCF chairman pa inn a hoh chiat di chih chialna kana mu hi. Himahleh, huai ni a buaina dang kana neih ziak in ka hoh man kei hi.
Pathian ni hong tung a ZCF kikhopna a EBCB Pastor pan thu hong gendi kasak leh muh khak in a om kei hi. Anung sawt sim in Chennai a EBC phuhkhiak ahi chih kana theipan a, hiai in ka ngaihsutna ah huai ni a Pastor pa saptuam phut khe dia hong kuan hidi ahi chih gintakna hon pia a, ka kan sui leh ana dik nawn zezen hi! Huaini a vahoh kha khenkhat ten' ZCF chairman pa in a tun tak un EBC kiphut khe dek ahi chih athei pan uh!
Ka lungsim in ah vaal kisakna toh saptuam phuhkhiak le guk hihna uh e kachi sim hi (Heutu hihna leh abang hiam kinem kahi zenzen kei a, himahleh ka saptuam EBC ki phuh khiak na ah chuh kitel tak a theihsak a ka om kakinem, ana kinem sang law kha ka diam!) Hiaithu hong kithang ta ahihman in kenle ZCF kikhopna a lah EBC te kitampen ahih chiang in I Zomi pih ten theisiam kei kha unteh chi in EBC kiphuh khiak thu ZCF kikhopna a mipite theihdia puankhiak kilawm kasak dan heutute kiangah ka gen a, himahleh tuni tan puan in a om nai kei.
Lamdang takin EBC Chennai akiphuhkhiak thu Khristian thukizakna leh Local newspaper te ah puan in hong om a, himahleh amunpi ah bel EBC saptuam ana hi ngoihngoih, himahleh EBC kiphuhkhiak lam thei khalou om ding in ka gingta lai hi. Hiai bang ziak ahia chih kathei kei a, kei buaipih di le ahikei.
ZCF chairman hil hial in ama hun sung a mipite deihtelna tel lou a pawlpi dang hon phuh khiak poi kasa. Kilawm lah deuh hiveh aw maw guai!
Hiai teng a bei di kasak leh Lamka Post January 15 2010 issue ah Chennai a Paite mi 1000 val om chih ka hon mu nawn a, hiai zuauthu paisuak kei heh chih deihna ziakin in Zogam.com ah Chennai a Paite mi 1000 ka phaklouh dan uh comment kon pe khong hi.
Thukhitna: Tulaitak a i buaipih uh Chennai a Zomite buaina pen mi pawlkhat ten pak (flower) a muum nailou pi a paak sak sawm ziak uh ahi. Ngaklah law lou in, huai pak pen i hih theih khamkham in tui pe chiatle a hun hong tun chiang in hong muum dia etlawm tak in hong paak ding hi.
*** Thudik ka gum a, bangmah dang ka buaipih kei.
Abou Ben Adhem- Leigh Hunt
15 years ago
6 comments:
David... na gelh hoih e...
Pathian in a theivek.. lungkham ken
keile chennai ah kum 2 bang kana omta a EBC saptuam kiphuh khiak lam him2 kana thei kha kei....poi kasa keile innlam ah EBC saptuam member kahi....hiai na blog ka muh in ka thei pan maban ah thil hih di leh programme nei i om leh kithu jak tuah ahoih din ka ging ta.....kipah y mah2 e david
Ana lungkham kei le teh midang ten le saptuam hon phut di uh ak. EBC in a pat ziak a gen tam mai2 hi :-)
Eg Bangalore a le EOC om masa pen a, huai zoh EBC huai zoh ZPC. EOC leh ZPC te kipat dek in kuaman bang mah a gen lam uh ka thei kei. EBC ki pat dek in chu gen sau2 zel EBC member te mah2 in. Huai dan mai2 hi khovel
Bangalore a EBC kipat dekin leng kigen mah tham ei......
Bangteng hileh, khangtou chih na ahi mai a, hoih ve ve. Hilele, a him him thu in ZCF member mi 1000 a phak louhna mun (chennai) a EBC member/paite kampau zang mi 1000 bang chi dana pha thei ahi diah aw chih hong ngaihtuah sak.
Chih taak sa mah bangin, Shillong ah ana kipan a, Delhi in zom, Gauhati toh, huan Bangalore ah, tuin Chennai. Next Hyderabad, then Mumbai....khang hulhul chu himai maw? The only problem I see is that the people in the cities are not very happy about it. Hyderabad te bang chu Eimi chih pawla ki kai khawm te, a ut om khol lou uh. Hilele koi lampang hiama repercussion lauh ziak ahi diamah, khauh deuh a thu a hong pai chianga, phut haat thu khonga Dorca Hall apat thu a hong pia chiang a kua mah in "chiik" chi ngam nawnlou hiin ka mu.
Nice quote!!
Thudik a i theihte zaw gen ding himah e...i hinpih leh i sih pih ding zaw THUDIK mah ahi. Tu chiang in kei muh dan in Politik hilou in SAPTUAM ahi eite hon khen tu...kei Paul pawl...kei Apollo pawl chih om kei leh maw ei Zomite lak ah.
Post a Comment